Skal eg velja ímillum frið og rættvísi, so velji eg rættvísi
- Theodore Roosevelt
local.fo

News in English

Lesarin skrivar

“Fyritreytin fyri einum frælsum landi er eitt frælst fólk. Fólkaflokkurin vil halda fast um og verja persónliga frælsið og privata ognarrættin.”

Hetta er ein partur av grundsjónarmiðinum hjá Fólkaflokkinum. Tá ið man nú velur at kasta nakrar reyðar bóltar upp í luftina og seta fram nakrar spurningar, hvørt tað er rætt, at bóndir, óðalsmenn og røktingarmenn skulu avgerða hvør skal ganga í haganum, so er stutta svarið, soleiðis er galdandi lóggáva.

Í flestu førum er slettis ikki talan um nakran sum helst trupuleika, tí fólk ferðast í fjøllunum rættuliga nógv og generelt rættuliga væl skipað. Tað bilar heldur einki, um so er, at tú kundi hugsa tær ein hagatúrð, at tú spyrt teg fyri, eisini tá ið hugsa verður um, at tú kanst fáa góða vegleiðing og so er tað sjálvandi trygdarspurningurin.

Tá ið vit tosa um náttúrvernd og ferðavinnu, er tað sjálvandi nærlagt og upplagt, at viðurskiftini kunna dagførast betri, soleiðis at tað ikki verður nakar trupuleiki fyri ferðafólk, okkum føroyingar og sjálvandi bóndir, óðalsmenn og røktingarmenn at finna eina góða hóskandi loysn. Vit skulu tó altíð hava í huga, at vit eru og vilja framhaldandi verða eitt frælst land og frælst fólk, saman við verjuni av tí persónliga frælsinum og privata ognarrættinum.

Fleiri góðar skipanir eru og verða allatíðina mentar, soleiðis at alt kann ganga upp í eina hægri eind.

So hasir reyðu bóltarnir kunnu vit gott verða fyriuttan, og teir skulu so slettis ikki kastast upp í luftina í Fólkaflokkinum :)

Símun Gullaksen,
formaður í Norðoya Fólkafloksfelag og festibóndi

Um tú veitst okkurt, sum VP ikki veit - skriva so til vp@vp.fo