List verður skapað í einsemi
- úr Børkuvísum
local.fo

News in English

Útlendis ítróttur

Diego Costa hevði ikki verið á vøllinum í meira enn seks minuttir, áðrenn hann setti bóltin í kassan fyri Atletico Madrid í útidystinum ímóti Lleida í kvøld.

Støðan var 2-0 til Atletico, tá Costa kom inn í 62. minutti, og tá 68 minuttir vórðu leiktir, setti hann tánna á eitt innlegg úr høgru síðu, so at støðan gjørdist 3-0.

Atletico vann Copa del Rey dystin 4-0. Hinir málskjúttarnir hjá Atletico í dystinum í kvøld vóru Godin, Torres og Griezmann.

Costa skifti aftur til spanska høvuðsstaðarfelagið tann 1. januar í ár, eftir at hann hevði verið í Chelsea í trý ár og vunnið tvey meistaraheiti harbeint.

Tíðin hjá honum í Chelsea endaði við, at hann gjørdist óklárur við venjaran Antonio Conte og sýtti fyri at spæla fyri felagið aftur.

Costa spældi við Atletico í 2010-11 og 12-14. Í 2014 gjørdist hann spanskur meistari við Atletico.

Um tú veitst okkurt, sum VP ikki veit - skriva so til vp@vp.fo