Tað eru trý sløg av fólkum. Tey sum fáa tingini at henda, tey sum hyggja at ímeðan tingini henda, og tey sum undrast yvir hvat f.... tað var sum hendi
- Fred Clauser, neyðlendi í Eiðisflógva í 1969
Lesarin skrivar

Endiliga eru tað onnur í Tórshavnar Býráð, sum hava somu áskoðan, sum eg havi - nevnliga at seta í verk borgarakort til okkara borgarar og skattgjaldarar.

Tað er burturvið, at vit fíggja ferðing hjá ríkum útlendskum ferðafólki, sum koma til Havnar - tað skal hýruvognsvinnan taka sær av. Einki er ókeypis, heldur ikki Bussleiðin, sum er skattafíggjað av skattgjaldarum í Tórshavnar Kommunu.

Við einum borgarakorti verður ásett, hvørjar tænastur okkara borgarar fáa frá kommununi.

Tá eg og Jákup Dam, býráðslimur frá Tjóðveldi, fyri nærum einum ári síðani umrøddu hettar í Dag & Viku, var eingin undirtøka fyri hesum í sitandi samgongu.

Eg taki fult undir við borgarakorti, tað havi eg ført fram, lat okkum avgreiða hettar - tú hevur nú møguleikan Bogi.

Annfinn Brekkstein
býráðslimur fyri Sambandsflokkin í Tórshavnar Kommunu

Um tú veitst okkurt, sum VP ikki veit - skriva so til vp@vp.fo