Skal eg velja ímillum frið og rættvísi, so velji eg rættvísi
- Theodore Roosevelt
local.fo

News in English

Skúli

Landsstýriskvinnan í mentamálum, Rigmor Dam, hevur tikið avgerð um, at FHS Yrkisnám skal verða eitt av útbúgvingartilboðnum til suðuroyingar komandi skúlaár.

FHS er støðisútbúgving í fyrisiting, handli og skrivstovu, sum tekur eitt ár. FHS er sett saman av yrkislærugreinum og almennum lærugreinum. Flest allar lærugreinirnar enda við C stigi.

Eftir staðið FHS kann farast undir yrkisútbúgving innan skrivstovu ella handil.

Við rættari samanseting av yrkislærugreinum í FHS Yrkisnámi er eisini møguleiki at fara inn á annað árið á búskaparbreytini, sum eftir tveimum árum kann geva eitt gymnasialt miðnámsprógv.

Útbúgvingin verður skipað sum dagundirvísing. Tað verður Miðnámsskúlin í Suðuroy sum skal standa fyri hesum tilboði, sum rættar seg til fólk í øllum aldri.

Um tú veitst okkurt, sum VP ikki veit - skriva so til vp@vp.fo