Liv Lívið Livandi
- herróp hjá ítróttarfelag
Krutl

Amerikanski spenningsfilmurin Bird Box, sum danska Susanne Bier hevur leikstjórnað, hevur fingið ógvuliga ivasom ummæli, síðan hann kom út fyrr í ár.

Hvørki The Guardian, New York Times ella DR eru serliga glað fyri filmin, og á IMDb fær filmurin einans 6.8/10, sum er rættiliga lágt, havandi í huga hvussu nýggjur hann er.

Men eins og við Bohemian Rhapsody herfyri, so sýnast fólk ikki at taka metingarnar hjá filmsummælarunum til eftirtektar.

Netflix upplýsir á Twitter, at síðan Bird Box kom út á síðuna tann 21. desember, er filmurin streamaður ikki færri enn 45 milliónir ferðir.

Aldri áður hava so nógv fólk sæð ein film ta fyrstu vikuna, hann hevur verið á Netflix.

Kenda sjónleikarinnan Sandra Bullock hevur høvuðsleiklutin í Bird Box.

Um tú veitst okkurt, sum VP ikki veit - skriva so til vp@vp.fo