Hin hættisligasti sjónleikurin er tann, ein leikar fyri sær sjálvum
- V. Poulsen

Norðurkoreanar eru nú, sambært DR, farnir í holt við at grava eina gjógv við markið ímillum Norður og Suður Korea í býnum Panmunjom. Hetta hendir, eftir at ein norðurkoreanskur hermaður í vikuni megnaði at flýggja yvir um markið.

Á myndini, sum ein amerikanskur diplomatur hevur tikið (sí omanfyri), sæst, at nakrir norðurkoreanskir hermenn grava eina gjógv við markið, meðan aðrir norðurkoreanskir hermenn standa og hyggja at.

24 ára gamli hermaðurin, sum í vikuni megnaði at flýggja yvir um markið, varð skotin fimm ferðir av starvsfeløgum sínum. Hann yvirlivdi tó og varð bjargaður av suðurkoreanskum hermonnum. Hann er nú á einum sjúkrahúsi í Suður Korea.

Um tú veitst okkurt, sum VP ikki veit - skriva so til vp@vp.fo