Tann sum øvundar er ikki at øvunda.
- úr Børkuvísum
Vágatíðindi

Eins og hjá fleiri kommunum royndist síðsta ár fíggjarliga væl, sigur borgarstjórin Sune Jacobsen, við VP.

Endaligu roknskapartølini í mun til játtanina sóu soleiðis ùt:

Játtan 2015                                                          Roknskapur 2015

Útreiðslur     Inntøkur           Løgur           Útreiðslur       Inntøkur        Løgur

42.157 mió  47.8 mió     5.547 mió      40.857 mió    52.692 mió    6.138 mió

Sum tað sæst á yvirlitinum, so samsvara tølini í roknskapinum fyri útreiðslur og løgur rættiliga væl, meðan inntøkurnar eru eins og fleiri ár á rað væl hægri.

- Úrslitil gjørdist 5.697 mió kr. betri enn mett. Hetta førir við sær, at nettoskuldin, sum við ársbyrjan í fjør var 20 mió. kr. við ársbyrjan í ár er bert 14 mió. kr., sum svarar til 35% av einari skattaálíkning, sum er markið fyri, hvat ein kommuna má skylda.

- Tað er hugaligt í einum valári, at kommunan hevur fíggjarligt rásarúm til at gera ynskiligar og neyðugar íløgur í komandi valskeið, sigur Sune Jacobsen, borgarstjóri at enda í viðmerking til VP, nú hann fer at gera seg kláran at seta C&B Festivalin í fagrasta veðri.

Um tú veitst okkurt, sum VP ikki veit - skriva so til vp@vp.fo