Satt gestablídni er kunsturin at fáa gestirnar at føla seg, sum vóru teir heima, hóast tú kundi ynskt, at tað var har, teir vóru
- ókendur
Vágatíðindi

- Í eina tíð hevur verið arbeitt við ætlanum um at fáa eitt træskip, sum kann hálvast og gerast um til m.a. eitt savn.

- Tá so møguleikin var at fáa fatur á einum træskipi, máttu vit satsa, tí nú eru so fá træskip eftir í landinum í røttu støddini.

- Tað mátti berast skjótt at. Báturin var farin til upphøggingar á Skála, greiður Sjúrður Poulsen frá, tá ið VP spyr um ætlanirnar í Miðvági.

Sjúrður Poulsen sigur, at ein arbeiðsbólkur er við í fyrireikingunum til at fullføra ætlanina.

- Av tí at støðan kom í so knappliga, var sjálvsagt ikki møguligt at fáa øll loyvir. Borgarstjórin bleiv spurd, fyri at fáa loyvi at seta bátin á land.

- Í hesum stutta skotbrá, har avgerðirnar máttu takast, hava vit møtt ótrúliga góðari vælvild frá øllum pørtum, sum arbeiðsbólkurin hevur vent sær til.

Sjúrður Poulsen sigur, ar borgstjórin í Vága kommunu, skilti, at berast mátti skjótt at.

Bjargingarfelag í Vágum skipaði fyri at sleipa bátin vestur, arbeiðsfólk hjá kommununi veittu eina hjálpandi hond og onnur í bygdunum, sum hava verið sera hjálpsom.

- At fáa bátin uppá land var ikki sum at siga tað. Fólk frá Articon komu við stórum krana at hiva bátin upp, sum vísti seg at viga 60 tons. IR-flutningur flutti bátin á ávísta staðið, so hann ikki stendur til ampa. meðan hann verður klárgjørdur.

- Arbeitt verður nú víðari at finna hóskandi stað í bygdini, har báturin verður vendur og gjørdur um til ein hús í serligum sniði.

- Eitt savn, har sjósøgan í Føroyum verður víst fram.

- Her verður eisini hugsað um ferðavinnuna. Vetrarhálvuna verður ætlanin at hava eitt mentanarhús, sum í løtuni ikki er í kommununi, sigur Sjúrður Poulsen.

MYND: Jógvan Helgi Hansen/VP

MYND: Jógvan Helgi Hansen/VP

Um tú veitst okkurt, sum VP ikki veit - skriva so til vp@vp.fo