Tað eru tveir marknasteinar í tilveruni hjá víðskygda journalistinum. Tá ið hann varnast, at eingin er áhugaður í sannleikanum. Og tá ið hann verður vísur í, at eingin er áhugaður í sannleikanum
- Høgni Mohr
local.fo

News in English

Innlendis ítróttur

So eru bara 4 dystir eftir av landskappingini í flogbólti. Kapprenningin um gullið verður avgjørd í tveimum dystum millum nr. 1 og 2 eftir at sjálv landskappingin er liðug, og fyrru finaludystirnir verða í morgin skírhósdag 13. april í høllini á Hálsi í Havn.

Menninir leggja fyri
Fyrri finaludysturin í morgin er ímillum somu lið, sum vóru í steypafinaluni í februar. Talan er um Fleyr og SÍ.

Hjá Fleyr hevur finaluplássið verið rættiliga trygt leingi, men hjá SÍ stóð nógv á ímóti ÍF, tá ið liðini hittust í Sørvági í seinasta og avgerandi dystinum, sum var leygardagin. Innanhýsis hava liðini hetta kappingarárið skiftst um at vinna, so finalan er púra opin.

·  Meistaradeild menn: Fleyr – SÍ  høllin á Hálsi skírhósdag 13. apríl kl. 14.00

Fer KÍF at skriva søgu?
Tær høvdu møguleikan í steypafinaluni, men tað gekk ikki hjá KÍF at vinna fyrstu heilt stóru kapping í søgu felagsins.

Nú er so møguleikin aftur, men hinumegin netið stendur Dráttur, sum hetta kappingarárið hevur staðið seg ómetaliga væl, og sum misti føroyameistaraskapin í 2016 í allar evstu løtu.

Tær eru svangar!

Fortreytirnar fyri søguligari finalu eru til staðar og høllin á klár til stóra brakið.

·  Meistaradeild kvinnur: Dráttur – KÍF høllin á Hálsi skírhósdag 13. apríl kl. 17.00

Um tú veitst okkurt, sum VP ikki veit - skriva so til vp@vp.fo