Um eingin Gud var, so vóru heldur eingir gudsnoktarar
- G. K. Chesterton
Innlendis ítróttur

Í morgin 23. mars verður finalan í Trygd-kappingini leikt í høllini á Argjahamri.

Aftur í ár eru tað Sporðdrekin úr Havn og Ravnur av Toftum ið hittast í finaluni í Trygd-kappingini. Tey bæði undanfarnu árini hava somu lið leikt finaluna og vunnið hvør sína. Dystir millum tey bæði liðini eru vanliga sera javnir, so lagt er upp til eina spennandi finalu. Finalan byrjar kl. 15.00 og vanliga tekur tað ikki longri enn hálvan annan tíma at avgreiða ein dyst.

Ítrottarhøllin á Argjahamri hevur eina fulla skrá av kurvabólti leygardagin. Longu kl. 11.00 verður dysturin um 3. plássið hjá monnum leiktur, har Hávur úr Klaksvík og Hamar úr Havn hittast. Ein áhugaverdur dystur í dystinum er, at Kristmund Petersen (Hávur) og Ólavur W. Joensen (Hamar) bresta saman. Kristmund og Ólavur er millum allarbestu ungu leikarum í landinum og spennandi verður at fylgja hvør dregur longsta stráið av teimum.

Kvinnu-finalan verður leikt kl. 13.00. Í kappingini er tvey lið við Hamar og samansetta liðið hjá Hávi/Ravni. Hamar hevur verið betra liðið gjøgnum árið, men seinast liðini hittust gjørdi Hávur/Ravnur ikki mætari enn at vinna. So einki er avgjørt í kvinnukappingini.

Tað er ókeypis atgongd til allar dystir og øll eru sjálvandi hjartaliga vælkomin.

Um tú veitst okkurt, sum VP ikki veit - skriva so til vp@vp.fo