Ikki fyrr enn ein sær, hvussu barnabørnini taka seg upp, fær ein at vita, um ein hevur uppalt síni børn væl
- Erich Maria Remarque
Skúli

Tórshavn: Aftur í summar bjóðar Tórshavnar kommuna lestrarhøli, har lesandi kunnu sita í friði og náðum og arbeiða við uppgávum og lestri annars.

Lestrarhølini verða á ovastu hæddini, har lesandi kunnu sita í friði og náðum og arbeiða við uppgávum og lestri annars.

Hetta er eitt tilboð til teirra, ið eitt nú eru heima í summarfrí og hava tørv á einum friðarligum staði at lesa og arbeiða. Hetta er sjeynda árið, at tænastan verður á Býarbókasavninum.

Støðugt fleiri lesa eisini á Fróðskaparsetri Føroya, og tí er hetta eisini eitt hent stað hjá teimum at savna seg um lesnaðin í friðarligum umhvørvi í summar. Øll lesandi á hægri lestri eru vælkomin at nýta hølini.

Lestrarhølini eru opin frá mánadegnum 24. juni til fríggjadagin 16. august 2019, og tey verða opin, tá ið Býarbókasavnið er opið.

Upplatingartíðir
mánadag-hósdag: 9-20
fríggjadag: 9-18
leygardag: 10-17
sunnudag: 14-17

Býarbókasavnið og lestrarhølini eru stongd á ólavsøku.

Ókeypis tráðleyst net er í lestrarhølunum.

Um tú veitst okkurt, sum VP ikki veit - skriva so til vp@vp.fo