Sjúkt er samfelag, har tað loysir seg best einki at eiga og einki at tíma
- úr Børkuvísum
local.fo

News in English

Merkisdagar

Tummas Lervig handar Arcibald Black nevndarformanni gávuva á 10.000 kr.

Lions Club Eysturoy/Klaksvík: Tann 26. oktober 1969 var Lions Club Eysturoy stovnað og hevur sostatt 50 ár á baki. Av teimum sum vóru við til stovnanina eru fleiri aktivir limir framvegis.

Tíðirnar broytast og i dag eru Lions Club Eysturoy og Klaksvík sami felagsskapur.

Í samband við 50 ára dagin hevur Lions felagsskapurin síðstu tíðina verði runt og vitja ymiskar stovnar og feløg og í tí sambandi stuðla undir við peningagávum til góð endamál.

Jústenes Eidesgaard greiddi hegnisliga frá um húsini sum eru bygd upp, einans av rekaviði. Hann hevði altíð sæð upp til Lions felagsskapin, og var tað hjartanemandi at móttaka eina gávu á 10.000 kr til hesa serligu verkætlan

Dragin er ein sera virkin felagskapur sum hevur lagt stórt virði í at varðveita mentana við seglskipum. Í samband við flaggsiglingina í summar, stuðlaði Lions Draganum við einari Iridium satelittelefon á 10.000 kr sum formaðurin Kári Millum Garðanar tók fegin ímóti.

Tað hevur altíð verið ein stórur dreymur hjá forminnisfelagnum á Nesi at fingið prestagarðin aftur til sín uppruna, størsta avbjóðingin í løtuni er at skifta klædning og umvæla lesirúmið. Josefina Jacobsen forkvinna frøddist um at móttaka 10.000 kr til hetta arbeiði, hon nevndi í hesum sambandi tann góða stuðul tey høvdu fingið frá Lions at keypa Gamla Prestagarðin fyri í sínari tíð.

Árant Hansen var ikki sørt bilsin og tikin á bóli tá hann skuldi møta upp til hugnaløtu hjá Lions, var sera fegin um at móttaka hesa gávuna á 10.000 kr sum brúktar verða til fleiri smærri verkætlanir, so sum løkin oman millum húsini í býlinginum í Norðagøtu.

Lions Eysturoy hevur altíð fari langt við sínum átøkum og hjálpt yvir um mørk, tí var tað ein sjálvfylgja at stuðla við 125.000 kr til ein skannara á læknaviðtaluna í Gøtudali, Jytta Friang kommunulæknin frøddist um møguleikin hon nú hevði fingið, at hjálpa sínum sjúklingum, og kom hetta í síðsta enda at verða samfelagsligt gagnligt

Ellis og røktarheimið í Runavík hevur altíð verði hjartabarnið hjá Lions felagsskapinum í Eysturoy. Teir var ein fragd at hoyra Niclas Foldbo greiða frá um tilgongdina at byggja heimið í sínari tíð. Jóhan Petersen legði afturat hvussu endurvenjingin og busskipanin var komin upp at koyra við stuðli frá Lions. Jóngerð Guttesen leiðari fyri Roðan og Torbjørn Jacobsen nevndarformaður, vóru sera takksom fyri hugskotið, at koma við stuðli, og einum innsparkið at fáa tann heita hylin aftur til sín rætt, eftir at hava staði staðið óvirkin í nógv ár. Tey takkaðu Lions fyri upphæddina á 125.000 kr. og vónaðu at hylurin varð virkin aftur tíðliga komandi ár

200 ár eftir at Nólsoyar Páll bleiv borin í heim, varð fyrsti Lions felagsskapur stovnaður her á landi, at Lions nú letur gávu á 10.000 kr. til uppbygging av hansara garði, frøist Arcibald Black og teir sum standa aftan fyri hesa verkætlan, sera nógv um

Um tú veitst okkurt, sum VP ikki veit - skriva so til vp@vp.fo