Um tú ert eitt sindur uttanfyri, uttan at taka skaða av tí, so kann tað blíva tín styrkur
- Pál Weihe
Útlendis ítróttur

Mark Hughes er ikki longur venjari hjá enska Premier League felagnum Southampton.

Enskir miðlar boða í dag frá, at Mark Hughes hevur fingið sekkin eftir eina ringa byrjan uppá hetta kappingarárið.

Southampton liggur í løtuni á einum 18. plássi í Premier League við níggju stigum fyri 14 dystir.

Mark Hughes varð settur sum venjari í felagnum í apríl, og megnaði hann í fyrstu syftu at bjarga felagnum undan niðurflyting.

Hetta var við til at geva honum ein nýggjan trý-ára sáttmála.

Síðsti dysturin hjá Mark Hughes sum venjari hjá Southampton var 2-2 javnleikurin ímóti Manchester United leygardagin.

Um tú veitst okkurt, sum VP ikki veit - skriva so til vp@vp.fo