Eg má stýra klokkuni, so hon ikki stýrir mær
- Golda Meir
local.fo

News in English

Krutl

Nú talt er upp, vísir tað seg, at 12.773 føroyingar hava vitjað Blaðsavnið í 2015, og teir hava vitjað savnið millum tvær og tríggjar ferðir hvør. Tilsamans hava tí verið næstan 35.900 setur ella vitjanir, sum hava vart meir enn 5 minuttir. Hvør brúkari hevur í miðal hugt eftir 37 blaðsíðum.

Blaðsavnið, tidarrit.fo, er latið upp næstan tvær milliónir ferðir, og hetta eru sera høg vitjanartøl. Tá leitað hevur verið í øllum bløðunum samstundis, hava brúkarar valt hálva aðru millión síðuvísingar.

Av bløðunum, sum hava flest beinleiðis síðuvísingar frá forsíðuni, er raðfylgjan: Dimmalætting (129.056), 14. september (53.494), Dagblaðið (48.470), Sosialurin (28.422), Alt um ítrótt (10.837), Tingakrossur (10.541) og Dúgvan (10.246). Hini 34 bløðini og ritini í Blaðsavninum hava eisini verið lutfalsliga nógv brúkt.

Tað eru sum er umleið ein hálv millión síður í Blaðsavninum. Tað ber til bæði at leita og blaða í savninum, og møguleiki er eisini at gera síður til pdf og taka tær niður á egna teldu ella teldil.

Meira

Um tú veitst okkurt, sum VP ikki veit - skriva so til vp@vp.fo