Alf Larsen
- Ikki er neyðugt at súpa meira enn eina skeið av suppuni fyri at vita um hon er góð
Útlendis ítróttur

Tað munnu ikki vera so fáir føroyskir fótbóltsfjepparar, sum droyma um at fáa Leeds United aftur í ensku Premier League.

Gamla stórfelagið, sum var í hæddini í 1970-unum við Don Revie á odda, og sum eisini vann hjørtuni hjá mongum manni og mangari kvinnu síðst í nítiárunum og fyrst í 00-unum, er nú av álvara við at fáa fóta sær aftur.

Eftir at 24 av 46 umførum í næstbestu ensku deildini eru avgreidd, liggur Leeds United nevniliga á einum 1. plássi við 51 stigum.

Nummar tvey í English League Championship, sum deildin eitur, er Norwich City við 48 stigum, meðan nummar trý er West Bromwich Albion við 45 stigum.

Í gjár vann formsterka Leeds 3-2 ímóti Blackburn Rovers á heimavølli. Leeds hevur nú vunnið seks dystir á rað.

Tvey tey bestu liðini flyta beinleiðis upp í Premier League, meðan nr. 3-6 spæla playoff dystir um tað triðja og síðsta uppflytingarplássið.

Maðurin, sum stendur á odda fyri Leeds United - og tað hevur hann gjørt síðan í summar - er tann karismatiski Marcelo Bielsa frá Argentina, sum eisini er kendur frá tíð sínari í Marseille og Athletic Bilbao.

Sí brot við Bielsa niðanfyri og málini frá dystinum í gjár her.

Um tú veitst okkurt, sum VP ikki veit - skriva so til vp@vp.fo