Ikki fyrr enn ein sær, hvussu barnabørnini taka seg upp, fær ein at vita, um ein hevur uppalt síni børn væl
- Erich Maria Remarque
Skúli

Í sambandi við, at nýggi musikkskúlin við Landavegin verður tikin í nýtslu, bjóðar Tórshavnar kommuna saman við Tórshavnar Musikkskúla til alment hátíðarhald við røðum og tónleiki í skúlanum í morgin, fríggjadagin 16. August, kl. 16.

Hátíðarhaldið verður í konserthøllini Hátún.

Byggiarbeiðið byrjaði í mai 2017. Skúlin er 2.600 m2 íroknað konserthøllina, ið rúmar umleið 300 áhoyrarum. Bygningin hevur teknistovan Kontrast teknað og Húsavarðartænastan bygt. Samlaði byggikostnaðurin er uml. kr. 96,5 mió.

Eftir hátíðarhaldið er skúlin opin til kl. 20. Opið hús er eisini leygardagin kl. 10-18 og sunnudagin kl. 14-18. Øll eru vælkomin á gátt at síggja nýggja bygningin.​

Um tú veitst okkurt, sum VP ikki veit - skriva so til vp@vp.fo