Tann sum øvundar er ikki at øvunda.
- úr Børkuvísum
Vágatíðindi

Aftast frá vinstu: Ingi Ole-Jacobsen, Arngrím Thomassen, Bogi Kruse, Eli Reynskor og Martin Mikkelsen. Fremst frá vinstru: Ólavur Jensen, Jón Joensen, Jørgen Niclasen, Sonni Zachariasen og Jón Nielsen.

SÍb vann steypakappingina í flogbólti og tí var nokk ikki óvæntað, at SÍb-leikararnir eisini vunnu landskappingina í næstbestu deildini í kvøld.

Dysturin var móti silvurvinnaranum Fleyr, og SÍb vann greitt 3-0.

Seinasti dysturin í 1. deild hjá monnum í FM-stríðnum var í Sørvági í kvøld. SÍ tók móti Fleyr.

Bæði 1. og 2. sett vunnu sørvingar greitt við settúrslitnum 25-19.

Í 3. setti var meira javnt, har Fleyr fylgdi við allan vegin, men móti endanum tók SÍ alt og vann 25-23 og harvið vunnu teir dystin 3-0.

Heldur óvæntað vunnu SÍb steypakappingina og tí er kanska minni óvæntað, at teir nú hava vunnið 1. deild eisini.

So í gásareygum kunnu teir kallast “greipuvinnarar”.

Um tú veitst okkurt, sum VP ikki veit - skriva so til vp@vp.fo