Satt gestablídni er kunsturin at fáa gestirnar at føla seg, sum vóru teir heima, hóast tú kundi ynskt, at tað var har, teir vóru
- ókendur
Vágatíðindi

Vága Fólkafloksfelag mótmælir, at samgongan hevur steðgað byggingini av bygningi til Sjóvinnustýrið í Vágum.

Tá Skipaeftirlitið var yvirtikið um aldarskiftið, var tað táverandi fiskimálaráðharrin, Jørgen Niclasen, sum avgjørdi at leggja stovnin í Vágum.

Her hevur hann verið líka til sitandi samgonga tók við.

Poul Michelsen tók avgerð um at flyta stovnin til Havnar, tí sambært honum var eingin bygningur í Vágum brúkligur til at hýsa hesi skrivstovu.

Ótrúligt.

Men landsstýrið lovaði samstundis beinanvegin at byggja nýggjan bygning í Vágum, tí her skuldi stovnurin liggja.

Nú hevur pípan longu fingið annað ljóð.

Byggivirksemi hjá landinum skal tálmast og einasta offrið er bygningur til Sjóvinnustýrið í Vágum.

Alt annað alment byggivirksemið koyrur full speed.

Hetta luktar og vilja vit í Vága Fólkafloksfelag harðliga mótmæla hesi avgerð hjá samgonguni.

Vónandi kann Løgtingið koma á aðrar tankar, áðrenn fíggjarlógin verður samtykt. 

Eggaba Andreasen,
formaður í Vága Fólkafloksfelag

Um tú veitst okkurt, sum VP ikki veit - skriva so til vp@vp.fo