Gakk ongantíð firtin longur, enn tað loysir seg
- Hans Pauli Johannesen
Lesarin skrivar

MILLUM FJARÐA: Økið millum Fjarða er millum tveir firðir og millum tvær bygdir. Firðirnir eita Skálafjørður og Funningsfjørður. Bygdirnar eita eisini Skálafjørður og Funningsfjørður!

Sum føroysklærari og málhugaður havi eg helst altíð vitað, at hasar báðar innastu bygdirnar eita Skálafjørður og Funningsfjørður.

ORÐABÓKIN og ATLASIÐ: Sprota vit staðanøvnini, Skálafjørður og Funningsfjørður, so sigur orðabókin í báðum førum, at talan er um bygdir í Eysturoynni!

Hyggja vit í heimsatlasið, so síggja vit, at bygdirnar eita Skálafjørður og Funningsfjørður (ikki botnur)!

SKELTINI. Á skeltunum hevur staðið SKÁLAFJØRÐUR, til nú fyri stuttum, tá ein staðanavnanevnd fekk bygdarnavnið broytt til SKÁLABOTN!? Hetta varð vist gjørt uttan at spyrja bygdarfólkið (skálfirðingar). Sera løgin mannagongd!

BYGDARFÓLKIÐ/ATKVØÐAN: Á fólkaatkvøðu segði bygdarfólkið í Skálafrði við greiðum meiriluta (um tveir triðingar), at teirra bygd eitur Skálafjørður. Eg giti, at upprunafólkið man siga Skálafjørður, meðan tilflytarar kanska siga Skálabotnur!

FUNNINGSFJØRÐUR: Skal skilvísi vera í, so mugu skeltini í Funningsfirði eisini broytast til Funningsbotn!

Annars siga elduvíkingar, at teir fara inn í Fjørð (Funningsfjørð). Tað sama munnu funningsfólk gera.

INNI Í FIRÐI: Í Kollafirði verður eisini farið inn í Fjørð (Inni í Firði), ikki Botn!

FJØLDIN: Løgið, at fjøldin, sum helst ikki er staðkend, sigur Skálabotnur og Funningsbotnur. Munnu líka nógv siga Funningsbotnur sum Skálabotnur?

KALDBAKSBOTNUR: Í skúlunum lærdu vit, at botnur var har, sum jarðfrøðiliga høgt var uppfyri inn frá sjónum.

Blíðan byr, skálfirðingar og funningsfirðingar!

Við fjarðakvøðu
Eyðun á Borg

Um tú veitst okkurt, sum VP ikki veit - skriva so til vp@vp.fo