Uttan arbeiði eingin hvíld, uttan stríð eingin sigur
- føroyskt orðatak
Onnur tíðindi

Starvsmannafelagið lýsir samhugaverkfall við Føroya Pedagogfelag í 24 tímar, frá mánamorgni 15. januar kl. 7.00 til týsmorgun 16. januar kl. 7.00.

Allir limir í Starvsmannafelagnum, sum arbeiða undir teimum báðum sáttmálunum, sum Starvsmannafelagið hevur við Kommunala Arbeiðsgevarafelagið, skulu í samhugaverkfall.

Hetta merkir øll, sum arbeiða hjá kommununum kring landið, tey, sum arbeiða hjá kommunalum felagsskapum og tey í kommunalu dagrøktini.

Hjá kommununum verða undantøk givin í tann mun siðvenja og grundarlag er fyri hesum.

14 arbeiðspláss hjá landinum

Fyri tey, sum arbeiða undir sáttmálanum við Fíggjarmálaráðið er samhugaverkfallið galdandi fyri 14 arbeiðspláss.

Hesi arbeiðspláss eru:

Almannamálaráðið (bert aðalráðið sjálvt)
Almannaverkið (bert aðalráðið sjálvt)
Dugni
Fíggjarmálaráðið (bert aðalráðið sjálvt)
Fiskimálaráðið (bert aðalráðið sjálvt)
Heilsu- og Innlendismálaráðið (bert aðalráðið sjálvt)
Heilsufrøðiliga Starvsstova – bert eftirlitisfólkini
Løgmansskrivstovan (bert aðalráðið sjálvt)
Føroya Løgting
Mentamálaráðið (bert aðalráðið sjálvt)
Samferðslumálaráðið (bert aðalráðið sjálvt)
Skúlin á Trøðni
Strandferðslan – bert siglandi fólki
Uttanríkis- og Vinnumálaráðið (bert aðalráðið sjálvt)

Tilsamans 21 fakfeløg við sáttmálum við tað almenna hava lýst 24 tíma samhugaverkfall fyri teirra limir.

Umboð fyri feløgini vóru í Tinganesi á miðdegi í dag, har tey handaðu fráboðanirnar um samhugaverkfall.

Um tú veitst okkurt, sum VP ikki veit - skriva so til vp@vp.fo