Borgarlig og sosialistar eru sum kona og maður. Skilja ikki altíð hvønn annan, men fáa allíkavæl húsarhaldið at hanga saman
- Ókendur
Útlendis ítróttur

Steve Bruce hevur sagt upp sum venjari hjá enska Championship felagnum Sheffield Wednesday. 

Hetta skriva fleiri enskir miðlar í dag, harímillum BBC.

Bruce er nú fremsti favorittur at taka yvir sum venjari í Newcastle United, eftir at Rafa Benitez fór úr starvinum í síðsta mánað.

Bruce, sum eftirhondini er vorðin 58 ára gamal, hevur bert venjari hjá Sheffield Wednesday síðan februar í ár. Áður hevur hann millum annað vant Birmingham, Sunderland, Hull City, Aston Villa og Wigan.

Seinast Bruce var venjari hjá einum Premier League felag var í kappingarárinum 2014/15, tá hann stóð á odda fyri Hull City, sum endaði á einum 18. plássi í deildini. Hetta hevði við sær, at Hull flutti niður í næstbestu deildina í Onglandi.

Sum leikari er Bruce best kendur frá tíðini í Manchester United, tá hann í árunum 1987-1996 var fastur fúsur í miðverjuni hjá teimum reyðu djevlunum.

Um tú veitst okkurt, sum VP ikki veit - skriva so til vp@vp.fo