Skal eg velja ímillum frið og rættvísi, so velji eg rættvísi
- Theodore Roosevelt
local.fo

News in English

Lesarin skrivar

Tá ið tú velur at umboða ein flokk, sum hevur eina greiða stevnuskrá, nevniliga tað at Fólkaflokkurin vil halda fast um og verja persónliga frælsið og privata ognarrættin, so er tað so avgjørt mín uppgáva sum formaður í Norðoya Fólkafloksfelag, at fortelja tær grundsjónarmiðini hjá Fólkaflokkinum.

Lógin hesum viðvíkjandi er sera greið og sum sagt, so dugi eg ikki at síggja at hetta skal verða nakað aðalmál hjá Fólkaflokkinum, serliga tá ið hugsa verður um at Fólkaflokkurin vil halda fast um og verja persónliga frælsið og privata ognarrættin – og tað er her denturin verður lagdur á.

At koma við populistiskum hugsjónum, har man velur at ganga uppá komprimi við sína ideologi, haldi eg ongantíð er góður siður.

Jú, Fólkaflokkurin er frælslyntur og jú, ein og hvør kann siga sína hugsan, men tá ið man er valdur  til at umboða eina hugsjón, so er tað umráðandi at man í minsta lagi heldur seg til grundsjónarmið floksins.

Frælsi at siga sína hugsan er ikki altíð grundin til at siga sína hugsan. Ein hugsjónarlig meting eigur at verða gjørd soleiðis at hugsanin kann berast fram ella man kann velja at tiga.

Aðalmálið má jú altíð verða at umboða sín flokk á bestan hátt soleiðis at man kann fáa størst ávirkan sum flokkur og ongantíð ganga uppá komprimi við sína ideologi.

“I Rest My Case”

Símun Gullaksen

Um tú veitst okkurt, sum VP ikki veit - skriva so til vp@vp.fo