Skalt tú fáa nakað stórt av skafti mást tú meira enn bara dáma títt arbeiði
- Steve Jobs
Vinna

Hagstovan: Nú tað bert manglar ein mánaði í uppgerðini av útflutninginum, kann staðfestast, at stór minking er í útflutninginum í 2018 samanborið við 2017.

Bæði í nøgd og virði er skrásetti útflutningurin minkaður í mun til somu mánaðir í fjør. Útflutningurin í virði av fiskavørum er minkaður eina góða mia. Tað er 13%.

Í nøgd er útflutningurin av fiskavørum minkaður 9%. Tað eru serliga laksur og uppsjóvarfiskur, sum minni er útflutt av.

Útflutningurin av sild og makreli er minkaður tilsamans 580 mió. kr. og útflutningurin av laksi næstan 600 mió. kr.

Hinvegin er meiri útflutt av toski og hýsu, eins og tað er meiri útflutt av svartkjafti.

Av innflutninginum er størsti vøksturin í brennievni við 303 mió. kr., svarandi til 35%. Síðani kemur innflutningur av maskinum og amboðum við 177 mió. kr. ella 24%, og á triðja plássi kemur innflutningurin av tilfari til byggivinnuna við 133 mió. kr., svarandi til 21%.

Um tú veitst okkurt, sum VP ikki veit - skriva so til vp@vp.fo