Hin hættisligasti sjónleikurin er tann, ein leikar fyri sær sjálvum
- V. Poulsen
Mítt tastatur

VP hevur skilt, at mótparturin hjá Kringvarpsstjóranum, Liljan Weihe, sjálv søkti starvið, sum Johnny í Grótinum fekk.

Í Vikuskiftis Sosialinum er aftur ein drúgv søga um ”orrustuna í Kringvarpinum”, sum blaðið kallar málið.

Dekningurin á teim trimum heilsíðunum í Vikuskiftis Sosialinum byggir á útalilsir frá sakføraranum hjá Liljuni sjálvari.

Aftur kann lesarin undrast á, hvussu tað ber til, at sama blað upp í saman fær øll skjøl at kunngera.

Hvør er keldan, sum er so tíðindafróð yvirfyri Sosalinum, og hví?

17 ferðir verður navnið á sakføraranum nevnt beinleiðis í greinini.

Umframt verður sami sakførari eisini nevndur við tilsipingum sum ”sakførarin” og ”hann”.

Eingin onnur kelda er í greinini.

VP spyr, um hetta er blaðmannavirksemi, sum tað almenna, tað vil siga Mentamálaráðið við Rigmor Dam á odda og eini fortíð á sama blað, heldur er vert at stuðla?

Um tú veitst okkurt, sum VP ikki veit - skriva so til vp@vp.fo