Eg ræðist sengur. Fleiri fólk doyggja í teimum enn nakra aðrastaðni
- W. C. Fields
Lesarin skrivar

Vegna nevndina í Sinnisbata, vil eg biðja um umbering fyri fleiri misskiljingum, sum vóru í tíðindaskrivinum, felagið sendi út 24. juni um kvøldið við sonevnda “Øksamálinum”.

Eitt nú er tað ikki rætt, at tann eini sum er dømdur í málinum er dømdur forvaring - hann er dømdur eina viðgerðadóm, har hann kann fáa røttu hjálpina fyri sína sálarsjúku.

Eisini er tað ikki rætt, at psykiastriski depilin í 2011 boðaði frá, at tey ikki kundu viðgerða unga mannin, sum hevur sálarsjúku.

Hetta eru sekundær upplýsingar, vit hava frá miðlunum, men sum ikki eru rættar, og tað er sera harmligt, at byggja omaná pástandir, sum ikki eru rættar - tað vil felagið biðja um umbering fyri.

Tá tað er sagt, stendur Sinnisbati við, at málið er sera syrgiligt, og at vit høvdu ynskt, at tann ungi maðurin, sum víst verður til, hevði fingið meira hjálp. Somuleiðis vóna vit, at eitt slíkt mál ikki verður endurtikið, tí tað er syrgiligt hjá øllum pørtum.

Laura Apol
Aðalskrivari

Um tú veitst okkurt, sum VP ikki veit - skriva so til vp@vp.fo