Hægsti vísdómur er at vita, at tú veitst onki
- Sokrates
Tema

Nærum 70 fólk um dagin. Tað er nakað meira enn tað sum fer ígjøgnum eina vanliga føroyska tannlæknaviðtalu eftir einum degi. Men so nógv fólk fingu hjálp frá danska felagsskapinum Tandsundhed Uden Grænser, sum í farnu viku var í miðafrikanska landinum Rudanda.

Hóast sera primitiv viðurskifti, náddu teir seks tannlæknarnir og ein tannlæknaassistentur at viðgerða tilsamans 346 fólk teir fimm dagarnar, teir arbeiddu.

Í Ruanda eru ikki stórt fleiri enn 20 tannlæknar, hóast har búgva nærum 12 milliónir fólk.

Tveir føroyingar hava í fleiri ár verið við hjálparfelagsskapinum í Ruanda og eisini í øðrum tilafturskomnum londum.

VP var við á ferðini er fer at lýsa arbeiðið í temagreinum og eini videofrásøgn.

Um tú veitst okkurt, sum VP ikki veit - skriva so til vp@vp.fo