Sjúkt er samfelag, har tað loysir seg best einki at eiga og einki at tíma
- úr Børkuvísum
local.fo

News in English

Útlendis ítróttur

Arsene Wenger, venjarin hjá Arsenal, hevur nú fingið eitt tríggjar daga leikbann frá FA fyri at finnast at dómarunum í Onglandi, sum hann ikki heldur geva Arsenal eina rættvísa viðgerð.

Hetta skriva fleiri útlendskir miðlar í dag.

Wenger fær harumframt eina bót á 40.000 pund.

Hann kom í andglettin, eftir at hann fór í skiftirúmið hjá dómarunum fyri at mótmæla einum brotssparki, sum West Bromwich fekk í dystinum ímóti Arsenal nýggjársaftan.

Albion fekk brotssparkið, sum gav mál, heilt ímóti endanum av dystinum. 

Dysturin endaði 1-1.

Arsenal hevur hesa seinastu tíðina fingið fleiri ivasamar brotssparksavgerðir ímóti sær - seinast ímóti Chelsea mikukvøldið, tá Chelsea fekk brotsspark miðskeiðis í seinra hálvleiki og høvi at javna til 1-1.

Tann dysturin endaði við javnleiki 2-2.

Arsenal spælir sunnudagin ímóti Nottingham Forest á útivølli í 3. umfari av FA Cup.

Um tú veitst okkurt, sum VP ikki veit - skriva so til vp@vp.fo