Skúlablaðið: Í skúlanum á Giljanesi eru 310 næmingar, í Sørvági 185, og í Vestmanna skúla ganga einir 200 næmingar. Altso útivið 700 skúlanæmingar tilsamans. Samstarvið millum hesar stóru skúlar fevnir bara um 10. flokk.
- Vit hava havt samstarv við Sørvág fyrr, men tað datt niðurfyri, áðrenn eg eri komin í leiðsluna. Fyrrverandi stjórin fór undir samstarv við skúlarnar í Vestmanna og Sørvági, og hetta samstarv halda vit fram við, sigur stjórin í skúlanum á Giljanesi, Annbritt Toftegaard.
Annbritt tók læraraprógv í 2000 og hevur arbeitt sum lærari í Miðvágs- Sándavágs skúla, nú Skúlin á Giljanesi, frá 2001.
Hon hevur leiðsluútbúgving í persónligari leiðslumenning og hevur leiðsluroyndir sum varaskúlastjóri í Skúlanum á Giljanesi síðani 1. august 2012 og sum settur skúlastjóri frá 1. mars 2015.
Skúlarnir í Vágum og skúlin í Vestmanna samstarva nú í tveir dagar um vikuna um 10. flokkarnar.
Um tú veitst okkurt, sum VP ikki veit - skriva so til vp@vp.fo