Av teimum 27 limalondunum í ES eru í løtuni 10 har støðan viðvíkjandi koronasmittu elvir til "sera stórt høvuðbrýggj". Millum hesi londini eru Belgia, Bulgaria, Niðurlond, Grikkaland og Pólland.
Í 13 londum er støðan soleiðis, at hon elvir til "stórt høvuðbrýggj". Millum hesi londini eru Danmark, Týskland, Noreg, Ísland og Finnland.
Onnur lond, teirra millum Italia, Malta, Spania og Svøríki, eru betri fyri, sigur ECDC, sum javnan ger støðuna upp og ger frágreiðingar.
Men samanumtikið er støðan álvarslig, og talið á nýggjum tilburðum fyri hvørjar 100.000 íbúgvar, sonevnda icidentstalið, er í vikuni vaksið úr 316,4 til 389,9 sum er ein vøkstur uppá 21%. Hetta er fimta vikan á rað, at incidentstalið veksur. ECDC væntar, at talið fer at halda fram at vaksa í nakrar vikur afturat.
ECDC hevur eisini hugt at koppsetingunum í londunum. Tilsamans hava 81,1% av íbúgvunum, 18 ár og eldri, nú fingið minst eitt prik.
Um tú veitst okkurt, sum VP ikki veit - skriva so til vp@vp.fo
