Tá eg var 15, helt eg pápa vera ein dumman hund. Men hann hevur tikið seg nógv fram tey seinastu 10 árini
- Mark Twain

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

Koronatilmælini gera, at tað einans verður pláss fyri umleið 1100 áskoðarum til finaluna um Løgmanssteypið millum Víking og HB, sum verður á Tórsvølli leygardagin kl. 16:00 - Mynd: FSF.fo

Koronatilmælini gera, at tað einans verður pláss fyri umleið 1100 áskoðarum til finaluna um Løgmanssteypið millum Víking og HB, sum verður á Tórsvølli leygardagin kl. 16:00 - Mynd: FSF.fo

Koronatilmælini gera, at tað einans verður pláss fyri umleið 1100 áskoðarum til finaluna um Løgmanssteypið millum Víking og HB, sum verður á Tórsvølli leygardagin kl. 16:00 - Mynd: FSF.fo

FSF: – Eg ivist onga løtu í, at um umstøðurnar vóru sum vanligt, so var fullsett til finaluna. Men vit mugu rættað okkum eftir myndugleikunum og teirra koronatilmælum, og tí sleppa bara eini 1100 áskoðarar á Tórsvøll leygardagin, sigur Virgar Hvidbro, aðalskrivari í Fótbóltssambandi Føroya, við heimasíðuna hjá FSF.

Um vikuskiftið vórðu hálvfinalurnar í kappingini um Løgmanssteypið spældar, sum í ár blivu avgjørdar yvir ein dyst. Tí varð spælt á uttanveltaðum vølli, og sigast má, at samstarvið við NSÍ og Runavíkar kommuna, og KÍ og Klaksvíkar kommuna um at hýsa hesum dystum, var framúr gott.

Við Løkin vann Víkingur 2-1 á B36, og við Djúpumýru vunnu føroyameistaranir 3-1 á NSÍ. Sostatt verða tað Víkingur og HB, ið bresta saman á Tórsvølli komandi leygardag klokkan 16:00.

Men tíverri er avmarkað, hvussu nógvir áskoðarar sleppa til finaluna. Koronatilmælini frá myndugleikunum skulu haldast, og tað hevur við sær, at einans pláss verður fyri umleið 1100 áskoðarum á Tórsvølli leygardagin.

Lagt er upp til at HB-fjepparar sita í bólkunum 101, 102, 103 og 104 (nærmast svimjihøllini), og at Víkinga-fjepparar halda til í bólkunum 105, 106, 107 og 108. Síðan er ætlanin at uttanveltaðir áskoðarar sita í bólkunum 109, 110, 111, 112 og í bólki 113.

Atgongumerkjasølan fer fram í Nethandilinum á heimasíðuni hjá FSF, og letur upp týsdagin 1. desember klokkan 18:00.

Um tú veitst okkurt, sum VP ikki veit - skriva so til vp@vp.fo