Leitað verður eftir 12 fólkum sum eftir øllum at døma eru horvin í samband við eldin sum er í ferjuni Euroferry Olympia, sum siglir í Miðjarðarhavinum, og sum í løtuni rekur fyri vág og vind nakað norðan fyri Korfu, sum er oyggj í Grikkalandi.
Sambært ferðafólklistanum skuldu 239 ferðafólk og manning sum telur 51 vera við skipinum. Men í minsta lagi ein blindur passaserur er bjargaður undan eldinum, og tað fær myndugleikarnar til at stúra fyri, at í veruleikanum eru fleiri enn tey 12, sum standa á passaserlistanum, horvin.
Bjargingarlið eru komin til ferjuna, men sagt verður, at tað er sera trupult at sløkkja, tí eldurin er í øllum skipinum.
Skipið er risastórt, og ov stórt til allar havnirnar sum eru á Korfu.
Um tú veitst okkurt, sum VP ikki veit - skriva so til vp@vp.fo
