Um tú ivast, at nakar leggur í, um tú ert á lívi, gloym so eini tvey mánaðargjøld
- Earl Wilson

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Føroyar vóru aftur í ár, partur av stóra altjóða tiltakinum World Cleanup Day hjá Let’s Do It World felagskapinum í Estlandi. Sjálvt um tiltakið varð ørðvísi skipað í ár, soleiðis at vit ikki høvdu samskiparar, eru vit sera væl nøgd við stóra luttakaratalið og mongdina av ruskið, ið ruddað bleiv.

Í ár bleiv tað skipað soleiðis, at ruddað var í eina heila viku, t.v.s. frá 12.-19. september, í staðin fyri bert ein dag. Veðrið var til vildar fleiri av døgunum, og vit fingu notið okkara vøkru náttúru, meðan vit ruddaðu.

Umframt at vera takksom fyri stóra luttakaratalið í ár í Føroyum, eru vit eisini takksom fyri allan stuðulin vit hava fingið frá feløgum, fyritøkum og kommunum. Hiddenfjord er okkara høvuðsstuðul í ár. Við stuðli frá tykkum øllum tilsamans, er enn lættari at náa á mál.

Úrslitið í ár, er samanumtikið sera flott, og kunnu vit avdúka, at vit í ruddingarvikuni høvdu 1.234 skrásettar luttakarar ið ruddaðu heili 15 tons av óruddi.

Við vón um minst líka góða og fantastiska luttøku í 2021.

Blíðar heilsur
Rudda Føroyar nevndin

Saman skapa vit ein ruskleysan heim!

Um tú veitst okkurt, sum VP ikki veit - skriva so til vp@vp.fo