Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Í ár verður fyri trettandu ferð skipað fyri Bátafestivali á Toftum, og sum siður er, so verður festivalurin fyrsta leygardagin í mai mánaði.

Tað er onkursvegna eitt tekin um, at nú er summarið komið, tá ið bátaeigarar úr øllum landinum stevna inn á Toftir á ársins fyrsta bátafestival.

Báturin er sjálvt hjartað í føroyska samfelagnum
Tað hendir nógv við Skálafjørðin í løtuni, men meðan tey flestu ivaleyst hugsa um tunnilsboring, so eru tað sjálvboðin á eystara armi á fjørðinum, sum rigga til bátafestival á Toftum, sum verður leygardagin 6. mai.

Og tað eru ikki hissini fyrireikingar, sum skulu gerast, tí nógv verður á skránni, so at festivalurin aftur í ár verður ein minnilig løta, sum fólk minnast aftur á við gleði.

Báturin hevur altíð verið sjálvt hjartað í føroyska samfelagnum, og tí hevur báturin nógv at siga fyri nógvar føroyingar.

Fyrr var báturin eitt amboð, sum bleiv brúktur til at fylla sær hjallin við og til flutning oyggjana millum, men í dag er báturin eisini nakað, sum man brúkar til stuttleika, og nógvar familjur brúka bátin næstan sum eitt slag av einum húsvogni.

Heit, góð suppa til bátafólk og fjølbroytt skrá
Tá ið bátafólkið kemur inn á Toftir 6. mai, so verður sum vanligt skipað fyri felags móttøku, og borðreitt verður við heitari, góðari suppu til bátafólk, meðan harmonikutónar ljóma um alt havnarlagið.

Eigur man ikki bát sjálvur, so er eisini møguleiki fyri at koma við húsvogni, tí økið er sett av til húsvognar at búleikast hesar dagarnar, bátafestivalurin er á skránni, og sjálvsagt eru øll onnur vitjandi eisini vælkomin.

Skráin er fjølbroytt til vaksin sum børn – so stundir og møguleikar eru at njóta dagin her.

Um kvøldið verður stórdansur í tjaldinum, og hetta hevur verið væl vitjað hvørt ár.

Um tú veitst okkurt, sum VP ikki veit - skriva so til vp@vp.fo