Nýggj tøl frá amerikanska stovninum fyri sjúkufyribyrging, CDC, vísa nú, at tað er nógv størri tjansur at doyggja av covid-19 um tú ikki ert koppsettur. Heilt neyvt er tað so, at hvørjaferð 15 fólk doyggja av korona í USA, so eru 14 teirra ikki koppsett.
Tølini byggja á yvir ein triðing av øllum íbúgvunum í USA, ella 120 milliónir fólk sum búgva í 24 statum.
Og granskarar eru ikki í iva um, at talan er um sera áhugaverd og álítandi tøl.
- Tað ber ikki til at kjakast um, hvørt ein persónur er deyður ella ikki, tá tey bara hyggja at teimum, sum eru testað positiv frammanundan. Hetta vísir, hvussu væl koppingarevnið verjir ímóti at doyggja, sigur Henrik Nielsen, professari í infektiónsmedisini á Aalborg Universitetshospitali við TV2.
Um tú veitst okkurt, sum VP ikki veit - skriva so til vp@vp.fo