Í gjár vórðu 170 fólk koppsett fyri koronu. 86 fólk fingu fyrra prikið og 81 fingu tað seinna. Trý fólk fingu triðja prikið.
Eitt koppsetingarlið hjá Sjúkrahúsverkinum vitjaði í Vestmanna og Kvívík í gjárkvøldið, og 47 fólk stukku inn og lótu seg koppseta.
Nú hava 38.471 fólk fingið fyrru koppsetingina. 36.538 fólk hava fingið seinnu koppsetingina, og eru liðugt koppsett. Átta fólk hava fingið trý prik.
Tilsamans 75.017 koronukoppsetingar eru gjørdar í Føroyum.
Um tú veitst okkurt, sum VP ikki veit - skriva so til vp@vp.fo