Ánarar minnast betur enn skuldarar
- Benjamin Franklin

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Team Rynkeby Føroyar: Leygarkvøldið 28. mai var árligi galladøgurðin, sum Team Rynkeby Føroyar skipar fyri. Aksel Haraldsen var vertur í ár, og hann beyð vælkomin, nú níggjundi døgurðin varð hildin; hesa ferð á Hotel Føroyum.

Gestirnir hugnaðu sær, og undirhaldið var sera gott. Áðrenn farið varð til borðs, sang Haderslev drengekor í gongini fyri gestunum.

Bæði gaman og álvari vóru á skránni hetta kvøldið. Umframt fyrsta floks tónleikaframførslur frá Herborg Torkilsdóttir, Benjamin Petersen, Brimhvítt, Inga Poulsen og Jens Marna Hansen og skemt frá Sjúrði Skaale, hevði Barbara Holm samrøðu við Benjamin Petersen, sum er pápi gentu, sum hevur havt hjartasjúku.

Tá ið borðhaldið var um verða liðugt, handaði Guðrið Poulsen frá Hotel Føroyum Trygva Kallsoy, liðskipara hjá Team Rynkeby, kekk fyri innkomnu pengarnar, sum galladøgurðin gevur. Upphæddin var 215.000 krónur.

Vit á Team Rynkeby Føroyar-liðinum takka Hotel Føroyum fyri at lata høli, kokkar, uppvaskarar, samskipan og hjálparfólk. Takk til øll, sum vildu undirhalda. Eisini takka vit Steingrund Akustik fyri tøkniliga framleiðslu og útgerð. Takk til PM Heilsølu, H.J. Hansen Vin, Føroya Bjór, Einar’s Distillery, Okkara, Damfar, Landshandlinum, Blómuhúsinum, Blikksmiðjuni og Thomas Dam á Hálsi fyri mat, drykkjuvørur og annað tilfar.

Túsund takk til øll, sum keyptu atgongumerki og komu til døgurðan; uttan tykkum var eingin galladøgurði.

Um tú veitst okkurt, sum VP ikki veit - skriva so til vp@vp.fo