Í gjár vóru 35 nýggir tilburðir av korona staðfestir, vísa nýggjastu tølini hjá landslæknanum.
Landslæknin hevur verið í sambandi við øll tey smittaðu.
1.740 kanningar vóru gjørdar seinasta samdøgrið. Sostatt var positiv prosenttalið 2, eitt kvink hægri enn í gjár, tá tað var 1,8.
Hetta er fimti dagurin á rað at talið á nýggjum tilburðum minkar. Tað mesta var 7. desember, tá 96 nýggir tilburðir vórðu funnir.
Í løtuni eru 500 smittað og 7 eru innløgd við koronu í Føroyum, tó ongin á intensivari deild.
Nú eru tilsamans 13 fólk deyð við koronu í Føroyum. Tað nýtist ikki at merkja, at tey doyðu av korona. Tað merkir, at tey vóru korona-positiv tá tey andaðust.
Um tú veitst okkurt, sum VP ikki veit - skriva so til vp@vp.fo