39 fólk eru helst druknað eftir at ein bátur, sum eftir øllum at døma varð brúktur til at smugla fólk úr Bahama til Florida, kom í óveður og holvdist.
Ein maður kom frá hendingini við lívinum, og kundi greiða frá hvat var hent.
Maðurin greiddi millum annað frá, at ongin bjargingarútgerð var umborð á bátinum. Bjargingarfólk leita eftir fólki í sjónum, men hava lítlar vónir um at finna nakran á lívi.
Tað er ikki óvanligt at mannasmuglarar royna at smugla fólk til Florida. Tey flestu eru úr Kuba ella Haiti. Bara síðani oktober í fjør hava amerikansk vaktarskip tikið 127 kubanar, sum á ólógligan hátt royndu at koma sær til USA. Síðani 2017 eru tilsamans 7.400 slíkir kubanarar steðgaðir.
Um tú veitst okkurt, sum VP ikki veit - skriva so til vp@vp.fo