Í Seyskellunum, sum tók loysing frá Stórabretlandi í 1976, hava myndugleikarnir koppsett 60% av sínum borgarum við fyrra prikinum móti covid-19, og út við 40% við seinna prikinum.
Seyskellurnar er ein oyggjabólkur í indiska havinum, einar 1500 kilometrar eystur úr Afrika.
Fólkavøksturin hevur verið stórur í lýðveldinum, og telja tey í dag knappliga 100.000 - tvífalt so nógv sum í Føroyum.
Oyggjarnar hava klárað seg væl búskaparliga, serliga av ferðavinnuni og fiskivinnuni.
Men eisini í korona-høpi tykjast tey at hava skarað framúr millum heimsins tjóðir, tí tey hava longu megnað at koppa ein stóran part av fólkinum og lata nú oyggjarnar upp aftur fyri ferðandi.
Um tú veitst okkurt, sum VP ikki veit - skriva so til vp@vp.fo
