Hesa seinastu vikuna eru 237 fólk koppsett. 11 fingu fyrra prik, 20 fingu tað seinna og 199 fólk fingu triðja prikið. 7 hava fingið 4. prikið seinastu vikuna.
Nú hava 41.715 fólk fingið fyrru koppsetingina og 40.895 fólk hava fingið seinnu koppsetingina. 21.284 fólk hava fingið trý prik og 8 fólk hava fingið fýra prik.
Tilsamans 103.902 koronukoppsetingar eru gjørdar í Føroyum.
Í gjár vóru 356 nýggir tilburðir staðfestir, vísa nýggjastu tølini hjá landslæknanum.
622 kanningar vórðu gjørdar seinasta døgnið. Í løtuni eru 3.747 smittað við koronu, 19 eru innløgd við koronu, harav átta eru innløgd av koronu, og 24 eru deyð við koronu í Føroyum.
Um tú veitst okkurt, sum VP ikki veit - skriva so til vp@vp.fo
