Onnur tíðindi
Ábendingar eru um at lógin sum ásetur sonevnda burkabannið riggar. Tí í fjør vóru bert tvær ákærur reistar eftir lógini. Í 2018, 2019 og 2020 var talið um 20 hvørt ár, skrivar ritzau.
Fleiri vísa tó á, at tað kann vera farsóttin sum ger, at fleiri halda seg innandura. Móti tí talar, at farsóttin eisini herjaði í 2020, tá fleiri vórðu ákærd.
Tá lógin kom í gildi varð hildið, at í Danmark gingu 150-200 kvinnur í burka ella Niqab.
Í Føroyum er ongin lóg sum bannar at bera burka. Sjálvstýrið hevði uppskot um tað í 2018, men uppskotið datt burtur, tí tað kom ikki til viðgerðar áðrenn løgtingið fór í summarfrí.
Um tú veitst okkurt, sum VP ikki veit - skriva so til vp@vp.fo
