Ein nýggjur smittutilburður av korona varð staðfestur í gjár. Tað vísa nýggjastu tølini hjá Landslæknanum.
Hetta er annar dagur á rað at ein nýggjur korona smittutilburður verður staðfestur.
Tann smittaði er komin til Føroya úr øðrum londum. Viðkomandi er avbyrgdur, og Landslæknin er farin undir smittusporingina.
Í gjár vórðu 222 kanningar gjørdar, og allar kanningarnar eru liðugt greinaðar. Í alt eru nú 164.512 kanningar gjørdar.
Tilsamans hava nú 500 persónar fingið staðfest smittuna í Føroyum. Í alt eru 497 persónar staðfestir frískir aftur, og sostatt eru tríggir persónar smittaðir í løtuni.
Eingin er innlagdur á Sjúkrahúsverki Føroya í sambandi við koronasmittuna.
Um tú veitst okkurt, sum VP ikki veit - skriva so til vp@vp.fo
