Summi spreiða gleði allastaðni har tey koma. Onnur, tá tey fara
- Oscar Wilde

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Nú løgtingið viðger ”Hjálparpakka 2” heita Føroysk Miðlafólk staðiliga á tinglimir um at minnast og tryggja opinleikan og gjøgnumskygni í hesi bráðfeingis stuðulsskipan.

 

Her verður serliga hugsað um løgtingsmál 135/2019, har fyritøkur og vinnurekandi kunnu søkja landskassan um almennan stuðul til at rinda fastar útreiðslur, ið inntøkur ikki eru til vegna Covid-19 smittuvandan.

 

Tá løgtingið í hesi undantaksstøðu velur at veita almenna kreppuhjálp, hevur almenningurin eisini rætt til at vita, bæði hvør søkir um og hvør fær hesa kreppuhjálp. Hesin opinleiki vil stuðla undir, at skipanin verður handfarin so rættvíst sum tilber.

 

Føroysk Miðlafólk heita tí á løgtingið um at seta inn í kreppulógina beinanvegin, at fjølmiðlar og harvið almenningurin sum heild hevur rætt til fult innlit í hesa skipan – bæði umsóknir og allan stuðul, sum landskassin veitir eftir hesi lóggávu.

 

Her má tryggjast serligt innlit, sum ikki verður avmarkað í lógini um alment innlit, har annars vanliga verður víst á týdningin at verja fíggjarlig áhugamál hjá privatum fyritøkum og vinnurekandi.

 

Vegna nevndina í Føroyskum Miðlafólkum

Jón Brian Hvidtfeldt, formaður

 

Um tú veitst okkurt, sum VP ikki veit - skriva so til vp@vp.fo