Hóskvøldið, í annaðkvøld, kl. 20.00 skipar Agape fyri fyrilestri í Vesturkirkjuni. Evnið er: “Tann góða relasjónin”.
Fyrilesturin er um sambandið, vit hava hvør við annan. Hvussu vit knýta sambond og styrkja sambond.
Nomið verður við relasjónirnar, vit m.a. hava við hjúnafelagan, barnið, vinin og starvsfelagan. Hoyrið nærri um, hvussu barndómurin ávirkar okkum, tí sum vit sjálvi eru vorðin møtt og sædd sum børn, verður ein av grundarsteinunum undir okkara evnum at vera í kontakt og í relasjón við onnur sum vaksin. Øll kunnu hava nakað at læra hesum viðvíkjandi.
Tað er Sigrun Heldarsgarð, sjúkrarøktarfrøðingur og psykoterpeutur, sum hevur fyrilesturin. Øll eru vælkomin!
Nærri tíðindi um Agape á Facebook.
Um tú veitst okkurt, sum VP ikki veit - skriva so til vp@vp.fo