Ein 42 ára gamal maður sum herfyri fekk trý ára fongsulsrevsing fyri millum annað at hava kynsliga misnýtt fleiri smádreingir skal aftur fyri rættin. Hann skal fyri Eystara landsrætt, sum í næstum kemur til Føroya, og tað skal hann, tí ákæruvaldið vil hava ein harðari dóm til mannin.
Rætturin hevur sett fýra dagar av til málið, sigur útvarpið.
Maðurin játtaði seg sekan í flestu av 11 ákærunum, og ákæruvaldið kravdi 8 ára fongsul ella forvaring, men Føroya rættur dømdi so ein munandi linari dóm.
Verjin heldur, at ein hóskandi dómur er hálvt triðja ella trý ár.
Maðurin hevur sitið síðani desembur 2019.
Um tú veitst okkurt, sum VP ikki veit - skriva so til vp@vp.fo