Ongin ivast í, at tað var ein svørt ólukka sum hendi í farna mánað, tá kendi amerikanski sjónleikarin Alec Baldwin skeyt ein fotograf við eini skambyrsu, sum skuldi havt verið lødd við leysum krúti. Men tað var hon ikki, og fotografurin, Halyna Hutchins, doyði á staðnum av skotinum.
Tað er ein ljósmaður, Serge Svetnoy, sum nú hevur stevnt Alec Baldwin fyri tilburðin. Hann vil hava fíggjarligt endurgjald, men tað er ikki greitt, hvussu stórt endurgjaldskravið er.
Sjálvur sigur Serge Svetnoy, at tað er ikki pengarnir sum fáa hann til at stevna, men tað er tað óskilið sum mangan er í samband við filmsupptøku, sum hann vil gera upp við.
Tey tóku upp til cowboyfilmin "Rust" tá vanlukkan hendi 21. oktober. Alec Baldwin, sum sjálvur var leikstjóri og hevði høvuðsleiklutin, hevur sagt, at upptøkurnar fara ikki at verða uppafturtiknar.
Eygleiðarar siga, at tað er væl hugsandi, at fleiri stevningar eru á veg.
Um tú veitst okkurt, sum VP ikki veit - skriva so til vp@vp.fo
