Í kvøld kl 20 fer Alina Jespersen, sum er úr Russlandi og gift í Havn, at innleiða sýningina í Filmsfelagnum við ”Loveless”.
Tað er nýggjasti filmur hjá kendasta russiska filmsleikstjóranum Andrey Zvyagintsev.
Hann er 53 ára gamal og bleiv kendur við filminum ”The Return” í 2003. Filmsfelagið hevur fyrr víst ”Leviathan”, sum Andrey Zvyagintsev eisini leikstjórnaði.
Júst hesin nýggjasti filmurin ”Loveless” er í uppskoti at fáa Oscarvirðislønina sum besti útlendski filmur í ár.
Øll hava atgongd til sýningarnar í Filmsfelagnum, sum eru í Havnar Bio.
Um tú veitst okkurt, sum VP ikki veit - skriva so til vp@vp.fo