Fróðskaparsetrið: Jóan Pauli hevur í mong ár starvast á Fróðskaparsetrinum. Hann var formaður í Setursráðnum, tá ið Setrið enn var akademi, og hann hevur í tveimum umførum verið rektari á universitetinum Fróðskaparsetur Føroya.
Vísindaliga hevur hann gjørt vart við seg sum siðsøgugranskari og hevur lagt mong týðandi verk úr hondum, eitt nú Færøske sluppfiskere, Fiskafólk, um brúdleyp í I ærlige brudefolk, um grindadráp í Pilot Whaling in the Faroe Islands og nú seinast um matvanar okkara í stórverkinum Bót og biti, ið kom út í fjør, og sum hann fekk M. A. Jacobsens bókmentavirðisløn fyri.
Jóan Pauli var formaður í nevndini, ið gjørdi uppskot til føroyska grundlóg ella stjórnarskipan, sum arbeiðið seinni kallaðist.
Harafturat hevur hann skrivað hópin av greinum, bæði vísindaligar og fólksligar. Hann er eisini virkin í mest nýtta sosiala miðlinum um okkara leiðir, Facebook. Jóan Pauli er við øðrum orðum ein maður við fjølbroyttum gávum og áhugamálum.
Um tú veitst okkurt, sum VP ikki veit - skriva so til vp@vp.fo
