Til tess at varpa ljós á demens sjúkurnar og avbjóðingarnar,ið standast av teimum, skipar Økistænastan hjá Skálafjarðarsamstarvinum fyri almennum fundi í Skála skúla týsdagin 24.05.16 kl. 19.00 - 21.30.
Tað verður Sofus Joensen, serlækni í psykiatri, sum kemur at leggja fyri, har hann greiður frá um demens sjúkurnar.
Forkvinnan í Alzheimaerfelagnum Halldis Joensen tosar um virksemið hjá Alzheimerfelagnum og avbjóðingarnar hjá familjuni, tá ein av teirra kæru fær eina demens sjúku.
Økistænastan hevur ætlanir um at menna tænastuna á demensøkinum og við tí stuðla uppundir heildarætlanina um eitt demensvinarligt samfelag, og verður tað Kristbjørg Toftegaard, demenssamskipari, ið kemur at greiða frá nýggja dagtilboðnum á Skála, sum ætlandi letur upp í næstum.
Sangur og tónleikur verður eisini á skránni – og verða tey bæði, Niels Midjord og Eilin Hansen, ið koma at framføra.
Kaffimunnur við onkrum góðum verður eisini at fáa.
Um tú veitst okkurt, sum VP ikki veit - skriva so til vp@vp.fo
