Í september samtykti býráðið í Tórshavnar kommunu ein umhvørvispolitikk. Tórshavnar kommuna bjóðar nú áhugaðum borgarum og felagsskapum til almennan fund um umhvørvispolitikkin.

Umhvørvispolitikkurin stingur út í kortið, hvussu vit í øllum virksemi taka atlit at umhvørvinum.

Tórshavnar kommunu arbeiðir áhaldandi við verkætlanum, sum eru umhvørvinum at frama. Nógvar avbjóðingar eru á umhvørvisøkinum, tí er tað umráðandi, at Tórshavnar kommunu nú hevur orðað ein umhvørvispolitikk, har ítøkilig mál eru sett á økjum sum orku, burturkasti og endurnýtslu.

Hetta er eitt týðandi stig á leiðini soleiðis, at umhvørvið verður raðfest enn hægri.

Tiltakið er alment og verður mikukvøldið 23. november 2016 kl. 19.00 í Öström. Te og kaffi verður at fáa.

Skrá:
1. Vælkomin
2. Framløga um umhvørvisarbeiðið í Tórshavnar kommunu
3. Framløga um umhvørvispolitikkin og stevnumið
4. Stutt framløga um plastdálking ísv. Umhvørvisvikuna 2017
5. Viðmerkingar, hugskot og orðaskifti

Til ber at lesa samtykta umhvørvispolitikkin HER.